منتديات أوتار القلوب
اهلا وسهلا بك زائرنا الكريم
منتديات أوتار القلوب ترحب بك أجمل ترحيب
ونتمنى لك وقتاً سعيداً مليئاً بالحب كما يحبه الله ويرضاه
فأهلاً بك في هذا المنتدى المبارك إن شاء الله
ونرجوا أن تفيد وتستفيد منا
منتديات أوتر القلوب
ادارة المنتدى
رٱعَےـيّےـ ٱلخٌےـيّےـر

منتديات أوتار القلوب

ترفيهي اجتماعي تعليمي ابداع تالق تواصل تعارف - مع تحيات الادارة المنتدى
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  الأعضاءالأعضاء  المجموعاتالمجموعات  التسجيلالتسجيل  دخولدخول  
<الســلام عليكم ورحمة الله , عزيزي الزائر / عزيزتي الزائرة منتَدَاكمً مُنتَدَى أوتار القولب يُرَحبُ بكـُمً .. إنً كنتَ تَرغَب في الإنضمَامً إلى أسًرَة المنتَدَى سَنتَشَرَفُ بتَسًجيلَكَ .. فَمرُحَبا بالزَائرينَ , وَ العَابرينَ , وَ الأصدقَاء , واَ لأعضَاءَ , بالطَيبينَ وَ الطَيبَات .. وَ بكًل مَن يَثًرَى , أوً تَثُرَى المًنتَدَى بالحِوَارً , وَ المُنَاقَشةَ , وَ المسَاهَمَاتً المُفيدَةَ .. فَلَيًسَ للبُخَلاَء بالمَعرفَة مَكَانُُ هُنَا ..سَاهمَ / سَاهٍمي بكَلمَة طَيبَة , أوً مَقَالً , أوً لَوًحَة , أوً قَصيدَة , أوً فِكرَة , أوً رَأي , أوً خْبرَة تَدفَعً حَيَاتُنَا للأمَامً ... تحيَآت إدَارَة منتدى أوتار القلوب ( رٱعَےـيّےـ ٱلخٌےـيّےـر )

شاطر | 
 

 قصيدة مصرية عن ثورة 25 يناير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الفتى الطائش
عضو مشارك
عضو مشارك
avatar

عدد المساهمات : 115
نقاطــــك : 181
ذكر تاريخ الميلاد : 16/06/1998
تاريخ التسجيل : 03/07/2010
العمر : 18

مُساهمةموضوع: قصيدة مصرية عن ثورة 25 يناير   الخميس سبتمبر 08, 2011 5:56 pm

هما كلمتين .. كلمة وكلمة .. مش مهم مين .. لكن اسمع بذمه

دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

بأمر وزير.. تطلع تقارير.. فبركي ياحكومة.. ماحنا الطراطير

يناير خمسة وعشرين .. طوفان مظلوم .. فاق من النوم .. يطلب حقه بعد سنين

سنين وعقود .. ذل وقهر .. فقر وجهل .. ولسان معقود

معقود بقانون.. طاريء وفساد .. ظلموا عباد .. باعوا بلاد .. وحملوها ديون

ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

قام ثوار .. شباب احرار.. من كل دار .. على الخير ناويين

والنيه بصوت .. كان مكبوت .. صرخوا وقالوا ..الطاغى يغور .. والظلم يموت

نظام ينشال .. ورجال اعمال .. حراميه تقال .. اتغدو بلحمى واتعشوا سكوت



قالوا عيال .. طايش مهزوز .. ولما نعوز .. ندوسهم فى الحال

حدفوا قنابل مسيله وغاز.. وامن بخوذه ووش ازاز.. درع يمين وعصايا شمال

جابوا قوات .. قتلوا وجرحوا .. شباب وبنات .. من كل حي

رصاص مطاطى ورصاص حي .. لايوم هنطاطى .. والنصر اهو جي



اعلام مشلول .. باعو المقتول ..كلام اوهام ..ولا فى الاحلام

المرئي كفيف والراديو اصم.. مليان تزييف ولا فيش دم

ساعه ايران وساعة اخوان ..والعملا هناك فى كل مكان

وجبات كنتاكى.. والمعزة تكاكى.. وباضت جبنه بيضه قريش

زى ماخالد وبعده بلال.. وباستهبال .. كسروا دماغهم بقرش حشيش

الحاج صابر والخاله سعاد.. بقدرة قادر.. بقوا من الموساد



دمك ياشهيد.. لايوم هايجف .. الشمعه تقيد.. وجروحنا تخف

الشعب اتهان من ده ومن ده .. وعم سليمان يقولك اجنده

احزن عليه ولا احزن على الكبير .. اللى قاعد فوق وحادفنا فى بير

انا حزني وطنى .. وهمى وطنى .. مش حزب وطنى .. اللى سارق وطنى

ارحل بخوفنا وخد معاك جمال.. ولا اكنا شفنا .. خيول او جمال

انا عاوزه يغور .. والكل كذلك .. بالحزب بتاعه ونظامه الهالك

او اقولك ..خليك ..هانحط عليك ..فى ميدان تحرير ..ونحجز مالك

الشعب خلاص.. طلب الخلاص ..فارقنا وارحل وانفد من سؤالك

بلادى مصر حرة ..ماتقولش ارحل ليه؟.. هى حرة.. وحرة بلادي

هاتحافظ على الامين.. مهما فقره كان.. ويسقط اللى خان.. وتطرد الاعادي

---------------

جميلة
شفتك جميلة
والصباح ألوان
احمر وابيض
وسمارك ريحان
خطب القلب ودك
و قال ألان
وقللتك مهرج
لولى ومرجان
وحفلة وسهرة
في أحلا بستان
قليتي سبقك
كتير شبان
باعو أروحهم
فدى الميدان


شفتك جميلة
بعيون ألوان
نزلوه علشانك
وكان ما كان
كنتى حبيسة
في أيد جبان
ندل خسيس
بايع للأوطان
وكلابه الطليقة
نهشوا كل غلبان
وجوعوا الناس
واكلة بالأطنان
وشالو فلوسنا
عند العدوان


شفتك جميلة
والكحل بميزان
في قاعة المحكمة
قضى الديان
اعمل ما شئت
كما تدين تدان
وسبحان المعز
أزل الجرذان
بعد السيادة
اليوم ورا القضبان
اصبحتى سعيدة
وهم في إحزان
اصبحتى عزيزة
وهم فى جزلان
اصبحتى حرة
وهم مع السجان


شفتك جميلة
والشهيد فرحان
وبنت اصيلة
بتنظف الميدان
وشاب جدع
بيدحن الحلقان
ومسلم ومسيحى
الاثنين اخوان
وسلفى وصوفى
بيطفو البركان
وشرطى لمواطن
كلنا انسان
وعمل وفلاح
وموظف تعبان
وام بتتعى
لمصر بالأمان


شفتك جميلة
والجيش اركان
للشعب ركن
وقال اعلان
احنا مع الشرعية
يعنى مع الميدان
لن نطلق رصاصة
ولم نهن انسان
احنا وكيل الشعب
وسنترك المكان
كان دى فى
منشور وبيان
مكانة للحدود
حماة للاوطان
اقسمنا يمين
بلدنا فى العنان


شفتك جميلة
و الشر بالالوان
فئوية وفتن
ومشاكل فى النسيان
واحزاب ميتة
عايزة مكان
وجماعات وحراكات
بدات تبان
وكتر الكلام
وقل الايمان
و الدنيا تلاهى
وعاد ما كان
الى ضد الثورة
لبس عريان
والى ماتو شهدة
فى طى النسيان


شفتك جميلة
والقلب فية احزان
ونزلت دموعى
على الجدران
ماشى فى شورعك
كنا وكان
هنا هتفنا
وهنا مات فلان
هنا جرينا
وهنا وقفنا جدعان
و هنا تفرقنا
ووقف البنيان
سرقو حلمنا
قبل لالوان
وكانا عشقنا
حياة الادمان



شفتك جميلة
وست البلدان
لبكرة وبعدة
والى جى كمان
وحياتك يا غالية
ابنك جعان
لاشغ ولا عروسة
ولاحتى جدران
ولا حد يقول كلمة
تروى الظمان
اخويا سافر
وصحبى مات غرقان
حتى الحبيبة
اخدها ابن الجيران
أبوه مسؤال
وحنا ولاد فئران



شفتك جميلة
يا ام الاوطان
وقلبك كبير
بالخير عمران
ونهر النيل
فى ارضك شريان
يروى عطاشة
الحب و الوجدان
ويغسل دموع ام
مات ابنها فى الميدان
ويقول لابن الشهيد
ابوك فى الجنان
فى ضيافت الكريم
الله الرحمن
ومجاورة الحبيب
فى كل ادان



شفتك جميلة
والجمال زان
خلا ضى القمر
وقف حيران
نظر للشمس
لقى نورها خجلان
سال السماء
قالت بلد الاديان
عليها كان الخليل
وموسى ابن عمران
حتى يوسف الكريم
كانت لة امان
فيها كان الياس
وهود سكان
ورحلت المسيح
والمصطفى العدنان


شفتك جميلة
رغم ما كان
بحبك حت وانت
على شفى بركان
لك روحى وعمرى
وقلبى و الوجدان
حت عقلى ايضا
وجوارحى والاركان
فداك كل شيئ
بلا ردود ولا اثمان
يكفينى ترابك
يحتضن جسدى العريان
فعيشى للك يدوم
وموتى للك كمان
فتقبلى حبيبتى
حبيبك باحنان


هذه قصيدة جميلة كتبها احد الشعراء انا مصري والقصيده اثرت في جدا اتمني ان تكون ام الدنيا دائما في اعلي الاماكن وترجع الي ذكرياتها و ثانكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فراشة دجلة
عضو ذهبي
عضو ذهبي
avatar

عدد المساهمات : 6585
نقاطــــك : 6835
انثى تاريخ الميلاد : 08/09/1994
تاريخ التسجيل : 14/08/2009
العمر : 22

مُساهمةموضوع: رد: قصيدة مصرية عن ثورة 25 يناير   الخميس سبتمبر 08, 2011 11:11 pm


إن شاء الله ترجع مثل قبل

شكرا جزيلا عالقصيدة الرائعة



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لولو الدلوعه
عضو ذهبي
عضو ذهبي
avatar

عدد المساهمات : 2593
نقاطــــك : 2773
انثى تاريخ الميلاد : 17/04/1997
تاريخ التسجيل : 24/06/2011
العمر : 19

مُساهمةموضوع: رد: قصيدة مصرية عن ثورة 25 يناير   الجمعة سبتمبر 09, 2011 12:17 am

القصيده طويله وايد انا ما قرئتها سوري بس يسلمو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة مصرية عن ثورة 25 يناير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أوتار القلوب :: الاقسام العامة :: المواضيع العامة-
انتقل الى: